Qazaqstanda gıdter, ekskýrsovodtar jáne týrızm nusqaýshylarynyń qyzmetiniń biryńǵaı qaǵıdalary bekitildi. Jańa qujat týrısik sala ókilderiniń jumysyna biryńǵaı talaptar belgilep, saıahat qaýipsizdigin arttyrýǵa baǵyttalǵan, dep habarlaıdy infohub.kz.
Qaǵıdalar mamandardyń ókilettikterin aıqyndap, olardyń týrıserge durys aqparat berýi, marshrýttarda súıemeldeýi jáne qaýipsizdik talaptaryn saqtaýy úshin jaýapkershiligin bekitedi. Sonymen qatar, qujat gıdter, ekskýrsovodtar jáne týrızm nusqaýshylarynyń fýnksıalaryn ajyratady.
Kásibı qyzmetti bastaý úshin mamandar Qazaqstan Respýblıkasynyń azamattyǵyna ıe bolyp, ruqsattar men habarlamalar týraly zańnama aıasynda eLicense.kz portaly arqyly tıisti habarlama jiberýi qajet. Budan ári olarǵa jumystyń uıymdastyrý-quqyqtyq nysanyn óz betinshe tańdaý múmkindigi beriledi. Sondaı-aq, gıdter, ekskýrsovodtar jáne týrızm nusqaýshylarynyń qyzmetin ózin-ózi jumyspen qamtyǵandar tizbesine engizý qarastyrylýda.
Habarlamalar negizinde mınıstrlik týrısik sala mamandarynyń memlekettik elektrondyq tizilimin qalyptastyrady. Týrıser onymen Týrızm jáne sport mınıstrligi men «Kazakh Tourism» UK» AQ-nyń resmı resýrstarynda tanysa alady, bul belgilengen talaptarǵa sáıkes jumys isteıtin kásibı mamandardyń qyzmetin tańdaýǵa múmkindik beredi.
Qaǵıdalardyń jeke bólimi qaýipsizdikke arnalǵan. Mamandar saıahatshylardy marshrýttardyń erekshelikteri, yqtımal táýekelder jáne nysandardan ótý sharttary týraly aldyn ala habardar etýge mindetti. Tótenshe jaǵdaılar kezinde ýákiletti organdar men týrıserdiń týystaryn jedel habarlandyrý kózdelgen.
Qaýiptiligi joǵary marshrýttar úshin týrısiń yqtımal táýekeldermen tanysqany týraly mindetti jazbasha rastaý engiziledi.