«Godzılla: Mınýs bir» oskarly japon fılminiń kópten kútken jalǵasynyń álemdik tusaýkeseri 64-shi Nú-Iork kınofestıvaliniń Spotlight Gala gala-baǵdarlamasynyń basty oqıǵasy bolady, dep habarlaıdy infohub.kz saıty.
Belgili kınofestıval uıymdastyrýshylary rejıser Takası Iamasakıdiń fılminiń kórsetilimi 26 qyrkúıekte Alice Tully Hall zalynda ótetinin málimdedi. Rejıser, senarıst jáne vızýaldy effektter mamany fılmdi akterlik quram jáne túsirý tobymen birge jeke ózi tanystyrady.
Jańa fılmniń oqıǵasy 1949 jyly — birinshi bólimniń fınalynan eki jyl ótken soń órbıdi. Sújet ortalyǵynda taǵy da Sıkısıma otbasy — Ekinshi dúnıejúzilik soǵystan keıin ómirin qalpyna keltirýge tyrysyp, alyp qubyjyqtyń jańa qaýpine tap bolǵan otbasy. Festıváldiń kórkemdik dırektory Dennıs Lımanyń aıtýynsha, fılm tereń adamdyq dramasy bar klasıkalyq blokbaster rýhyn saqtaıdy.
Aldyńǵy bólim «Godzılla: Mınýs bir» álemdik prokatta 116 mıllıon dollar jınap, Iamasakıge úzdik vızýaldy effektter úshin «Oskar» syılyǵyn ákeldi. Jalǵasynyń Japonıada keń prokatqa shyǵýy 3 qarashaǵa josparlanǵan, al Soltústik Amerıkada kórsetilim 6 qarashada bastalady.