Qazaqstanda týystaryna adamnyń qıyn jaǵdaıǵa tap bolǵanyn jedel bilýge kómektesetin tegin qyzmet paıda boldy. Máselen, eger qazaqstandyq apatqa ushyrasa nemese shuǵyl túrde aýrýhanaǵa tússe, onyń otbasyna SMS keledi. Alaıda júıe jumys isteýi úshin eGov Mobile qosymshasynda senimdi baılanystardy aldyn ala tirkeý qajet, dep habarlaıdy infohub.kz saıty.
Densaýlyq saqtaý mınıstrliginiń málimetinshe, «Gospıtalızasıa jaǵdaıynda habarlaý úshin senimdi baılanystardy tirkeý» jańa qyzmeti qosymshada paıda boldy. Siz gospıtalızasıalanǵan jaǵdaıda habarlama jiberiletin úsh senimdi tulǵaǵa deıin kórsete alasyz.
Sonymen, eGov.kz portalynda: avtorızasıadan ótý; «Gospıtalızasıa jaǵdaıynda habarlaý úshin senimdi baılanystardy tirkeý» qyzmetin tańdaý; senimdi tulǵanyń JSN-in kórsetý qajet.
Senimdi tulǵalar retinde tek 18 jastan asqan, sondaı-aq Mobıldi azamattar bazasynda tirkelgen qazaqstandyqtar ǵana bola alatyny atap ótiledi.
«Osydan keıin paıdalanýshy jeke derekterdi óńdeýge jáne densaýlyq jaǵdaıy týraly málimetterdi berýge kelisimin rastap, suranys jiberedi. Kórsetilgen adamǵa tirkeýdi rastaý nemese qabyldamaý usynysymen SMS keledi», – delingen habarlamada.
Rastaý úshin 911 kody bar jaýap SMS jiberý qajet, bas tartý úshin – 912. Sheshim qabyldaýǵa bes saǵatqa deıin ýaqyt beriledi.
eGov Mobile mobıldi qosymshasyna keletin bolsaq, bul jerde qyzmet «Memlekettik qyzmetter» – «Densaýlyq saqtaý» bóliminde ornalasqan.
«Paıdalanýshyǵa senimdi baılanystardy tirkeý qyzmetin tańdap, uqsas prosedýradan ótý qajet. Ótinishti aqparattyq júıede óńdeý 10 mınýtqa deıin ýaqyt alady», – delingen habarlamada.
Tirkelýdiń aǵymdaǵy mártebesi eGov.kz portalynda «Meniń profılim – Jeke kabınet» bóliminde, al eGov Mobile-da «Habarlamalar – Jeke kabınet tarıhy» bóliminde kórsetiledi.