Qazaqstanda bıyl memlekettik bilim granttaryn berý konkýrsyna 127 myńnan astam ótinim tústi, dep habarlaıdy infohub.kz.
Ǵylym jáne joǵary bilim mınıstrliginiń saıtynda atap ótilgendeı, respýblıkalyq komısıa talapkerlerdiń ótinimderin qarap shyqty. Granttar UBT baldary men bekitilgen erejelerge sáıkes konkýrstyq negizde beriledi.
Túsýshiler arasynda «Pedagogıkalyq ǵylymdar», «Injenerlik, óńdeý jáne qurylys salalary» jáne «Aqparattyq-kommýnıkasıalyq tehnologıalar» baǵyttary eń tanymal. Vedomstvo bolashaq aýdarmashylar, dıplomattar, zańgerler, psıhologtar men pedagogtar arasynda bir grantqa eń joǵary konkýrs kútiletinin atap ótti.
Konkýrstyq irikteý qorytyndylary 10 tamyzǵa deıin mınıstr Saıasat Nurbektiń, QR Ǵylym jáne joǵary bilim mınıstrliginiń jáne Ulttyq testileý ortalyǵynyń resmı paraqshalarynda jarıalanady. JOO-ǵa qujat qabyldaý 25 tamyzda aıaqtalady.