Ǵylym jáne joǵary bilim mınıstri Saıasat Nurbek áleýmettik jelide 2026–2027 oqý jylyna arnalǵan memlekettik bilim granttary konkýrsynyń qorytyndysyn shyǵardy. Jarıalanǵan málimetterge sáıkes, bakalavrıat baǵdarlamalaryna 75 myńnan astam grant bólingen, al talapkerlerden 127 041 ótinim túsken... dep habarlaıdy infohub.kz saıty.
Eń kóp grant ınjenerlik, óńdeý jáne qurylys salalarynyń bolashaq mamandaryna — 16 674 grant buıyrdy. Ekinshi orynda — pedagogıkalyq ǵylymdar (12 228 grant), úshinshi orynda — aqparattyq-kommýnıkasıalyq tehnologıalar (10 387 grant). Taǵy 9 188 grant jaratylystaný ǵylymdary, matematıka jáne statısıka baǵyttaryna qarastyrylǵan.
Ǵylym mınıstrliginde atap ótkendeı, jalpy Qazaqstanda memlekettik bilim tapsyrysy 98%-ǵa ıgerilgen. «Bul memlekettik granttardyń eńbek naryǵynyń qajettilikterin eskere otyryp tıimdi bólingenin jáne talapkerlerdiń eń suranysqa ıe bilim baǵdarlamalaryna joǵary qyzyǵýshylyǵyn kórsetedi», — dep jazdy Saıasat Nurbek.
«Serpin» baǵdarlamasy boıynsha bólek 2 180 grant, batys óńirlerdiń jastaryna — 2 500 grant bólindi. Taǵy 3 190 grant Qazaqstanda ashylǵan sheteldik joǵary oqý oryndarynyń fılıaldarynda oqýǵa qarastyrylǵan.
Eske salaıyq, 2026 jyldyń 7 tamyzynda Qazaqstanda 2026–2027 oqý jylyna arnalǵan memlekettik bilim granttarynyń ıegerleriniń tizimi jarıalandy. Talapkerler konkýrs nátıjelerin vedomstvonyń resmı resýrstarynan teksere alady.