Qazaqstanda magıstratýraǵa grant arqyly túsýge nıet bildirýshilerge arnalǵan testileý aıaqtaldy, dep habarlaıdy infohub.kz saıty.
Ǵylym jáne joǵary bilim mınıstrliginiń málimetinshe, magıstratýraǵa túsý úshin testileýden shamamen 58 myń úmitker ótken. Ǵylymı-pedagogıkalyq baǵyt boıynsha ortasha kórsetkish 77 bal, beıindik baǵyt boıynsha – 24 bal boldy. Eń joǵary bal – 139.
Keshendi testileý barysynda ereje buzǵany úshin 94 qatysýshynyń nátıjesi joıyldy. Onyń ishinde smartfon, shpargalka jáne basqa da tyıym salynǵan zattardy ótkizýge tyrysqany úshin 69 úmitker testileýge jiberilmedi. Testileý kezinde ereje buzǵany úshin aýdıtorıadan 25 adam shyǵaryldy, olardyń nátıjeleri de joıyldy.
Magıstratýraǵa túsý úshin ǵylymı-pedagogıkalyq baǵyt boıynsha ótpeli bal – 75, beıindik baǵyt boıynsha – 30 bal, dep atap ótti ákimdikte.
Grant konkýrsyna qujattar qabyldaý 12-18 tamyz aralyǵynda júzege asyrylady, al grant ıegerleriniń tizimi 25 tamyzǵa deıin jarıalanady. Bolashaq magıstranttardy joǵary jáne joǵary oqý ornynan keıingi bilim berý uıymdaryna qabyldaý 28 tamyzǵa deıin aıaqtalady.
Konkýrsqa qatysý úshin mynadaı qujattar tapsyrý qajet: jeke kýáliktiń kóshirmesi, joǵary bilim týraly qujat (dıplom jáne qosymsha), keshendi testileý sertıfıkaty jáne shet tilin meńgergenin rastaıtyn halyqaralyq sertıfıkattar (bolǵan jaǵdaıda).
Ótinish berý kezinde túsýshi bir bilim berý baǵdarlamalary tobyn jáne úsh joǵary oqý ornyn kórsete alady.