Grýzıada sońǵy aptalarda úshinshi ret iri blekaýt boldy. Elektr qýatynyń óshirilýi Tbılısı men eldiń basqa aımaqtaryn qamtydy, dep habarlaıdy infohub.kz saıty.
5 tamyz keshki saǵat 20:10 shamasynda astana jáne birqatar aımaq jaryqsyz qaldy. Tbılısıde metro men temirjol qatynasy toqtady.
Keıin memlekettik «Grýzıa memlekettik elektr júıesi» kompanıasy áleýmettik jelilerde bolǵan oqıǵanyń sebebin túsindirdi. Anyqtalǵandaı, kezekti blekaýt 24-25 shildedegi aldyńǵy aqaýlardan keıin júrgizilgen Ingýrı GES-indegi jumystarǵa baılanysty bolǵan.
«Elde 24-25 shildede bolǵan júıelik aqaýlardan keıin Ingýrı GES-inde belgili bir jumystar júrgizildi, atap aıtqanda, stansıanyń tıisti jabdyǵyn zertteý úshin elektr júıesin oqshaýlanǵan rejımde, nomınaldyq jıilikten ózgeshe jıilikterde paıdalaný qajet boldy, bul búkil el boıynsha ýaqytsha elektr qýatynyń óshirilýine ákeldi», — delingen kompanıa habarlamasynda.
Eske salaıyq, 24 shildede Grýzıanyń barlyq derlik aýmaǵy jaryqsyz qalǵan edi.