Grýzıanyń Kahetıa aımaǵyndaǵy úılený toıynda bolǵan rezonansty janjal áleýmettik jeliler men BAQ-ta qyzý talqylanýda, biraq ol qazaqstandyqtardyń Grýzıaǵa demalýǵa degen qyzyǵýshylyǵyna áli áser etken joq, dep habarlaıdy infohub.kz saıty.
«Týrısik qamqor» korporatıvtik qory men Qazaqstan týroperatorlar qaýymdastyǵynyń tóraıymy Inna Reıdiń aıtýynsha, bolǵan oqıǵany týrısik salamen baılanystyrýǵa bolmaıdy, sebebi bul adamdar arasyndaǵy turmystyq janjal. «Men bul oqıǵany adamdardyń ózara qarym-qatynasynyń turmystyq máselelerine jatqyzar edim. Olar týrıser bolǵandyqtan, bul jaı ǵana adamdardyń qarym-qatynasy. Týrıser bul oqıǵaǵa eshqandaı áreket etken joq, shaǵymdar nemese talaptar joq», — dedi Reı.
Onyń dereginshe, oqıǵadan keıin Grýzıaǵa saparlardy brondaýdan bas tartý nemese suranystyń tómendeýi baıqalmaǵan. Bul baǵyt áli de qazaqstandyq týrıser arasynda eń tanymaldardyń biri bolyp otyr.
Al janjaldyń tergeýi jalǵasýda. Sova basylymynyń habarlaýynsha, Grýzıa soty reseılik týrıske shabýyl jasady dep aıyptalǵan Georgı Chıgladzeni 5 myń ları kepilge bosatypty. Sot otyrysynda ol bolǵan oqıǵaǵa ókinetinin aıtty. Sonymen qatar tergeý janjaldyń mán-jaıyn jáne eki taraptyń áreketterin tekserýdi jalǵastyrýda.
Buǵan deıin Grýzıanyń Kahetıasyndaǵy bes juldyzdy Agarani Estate qonaq úıindegi janjal áleýmettik jelilerdi jaryp, qyzý pikirtalas týdyrǵany habarlanǵan bolatyn. Oqıǵa turmystyq daýdan halyqaralyq talqylaý taqyrybyna tez aınaldy, al talqylaý tolqyny tek Grýzıa men Reseıdi ǵana emes, Qazaqstandy da qamtydy.