Rockstar Games GTA 6 oıynynyń resmı keńeıtilgen geımpleı demonstrasıasyn usyndy. Beıne aldymen Netflix-te eksklúzıvti túrde paıda boldy, keıin ázirleýshiler ony resmı YouTube-arnasyna jarıalady, dep habarlaıdy infohub.kz.
GTA 6 sújeti Florıdadan shabyt alǵan oıdan shyǵarylǵan amerıkandyq Leonıda shtatynda ótedi. Aımaqtyń basty qalasy — serıanyń jankúıerlerine GTA: Vice City oıynynan tanys Vaıs-Sıtı.
Sújettiń ortalyǵynda basty keıipkerler Djeıson Dúval men Lúsıa Kamınos bolady. Olar qylmyspen aınalysyp, qaýipti oqıǵaǵa tap bolady, al olardyń qarym-qatynasy sújettiń basty bólikteriniń birine aınalady.
Jańa demonstrasıada Rockstar oıyn álemi men onyń turǵyndaryn, sondaı-aq keıipkerlerdiń Vaıs-Sıtı men Leonıdanyń basqa aýdandarynda qalaı qozǵalatynyn kórsetti. Ázirleýshiler oıyn álemin barynsha egjeı-tegjeıli jáne jandy etýge ýáde beredi.
Oıyn ishindegi áleýmettik jelilerge erekshe nazar aýdarylady. Sonymen qatar, Rockstar GTA Online-nyń jańa nusqasy týraly málimetterdi ázirge ashpaıdy.
Bastapqyda beıne Netflix-te paıda boldy, biraq jarıalanǵannan keıin kóp uzamaı kompanıa Take-Two-men birge paıdalanýshylar «taratqan» demonstrasıa jazbalaryn joıa bastady. Keıin Rockstar rolıkti resmı YouTube-arnasyna ózi ornalastyrdy.
GTA 6 relızi 2026 jyldyń 19 qarashasyna josparlanǵan. Oıyn PlayStation 5 jáne Xbox Series X|S platformalarynda shyǵady. DK nusqasyn keıinirek kútedi.
Buǵan deıin Kursiv LifeStyle hakerler predzakazdarǵa qarsy narazylyq retinde GTA 6 kadrlaryn taratqanyn jazǵan bolatyn. «Slıv» úshin jaýapkershilikti óz moınyna alǵan Cyberleek toby oıyn baspagerlerine talaptar qoıylǵan manıfes jarıalady.