Qazaqstan mektepterinde 1 qyrkúıekte biryńǵaı synyp saǵattary ótedi, alaıda muǵalimderge gúl shoqtaryn tapsyrý dástúri shekteledi. Bul týraly Ortalyq komýnıkasıalar qyzmetindegi brıfıńte Oqý-aǵartý vıse-mınıstri Shynar Aqparova málimdedi, dep habarlaıdy infohub.kz saıty.
İs-sharalardyń biryńǵaı formaty barlyq oqýshylardy qamtıdy. Vedomstvo basshysynyń orynbasary atap ótkendeı, mektepterde synyp saǵattary, al kolejderde kýratorlyq saǵattar shamamen 45 mınýtqa sozylady.
Brıfıń barysynda muǵalimderge gúl men syılyq tartý dástúrine erekshe nazar aýdaryldy. Mınıstrlik jergilikti atqarýshy organdar men ákimdikterge resmı nusqaýlyq hattar jibergenin atap ótti.
«Mektep qabyrǵasynda muǵalimderge gúl syılaýǵa nemese kez kelgen syılyq satyp alýǵa jol berilmeıdi. Biz muny jeke jazyp kórsettik. Buǵan esh qajettilik joq. Barlyq bilim berý uıymdarynda dástúrli synyp jáne kýratorlyq saǵattar ótýi tıis», — dedi Shynar Aqparova.
Aıta keteıik, balany birinshi synypqa oqý jylynyń basynda áli 6 jasqa tolmasa da berýge bolady. Eń bastysy, onyń 6 jasqa tolýy aǵymdaǵy kúntizbelik jyldyń sońyna deıin bolýy kerek.