Gollıvýd aktrısasy ári Goop kompanıasynyń negizin qalaýshy Gvınet Peltroý OpenAI basshysy Sem Áltmannyń qurmetine jabyq kesh uıymdastyrǵany úshin qatty synǵa ushyrady. Bul týraly infohub.kz saıty habarlaıdy.
Puck News basylymynyń málimetinshe, shara 29 tamyzda Nú-Iork shtatyndaǵy Amagansettegi juldyzdyń úıinde ashyq aspan astynda ótedi. Gúl órnegi men kógershin beınelengen shaqyrý qaǵazynda kezdesýge "baspasóz úshin emes" mártebesi berilgeni kórsetilgen. İs-sharany Goop komandasy uıymdastyrady, al brendtiń elektrondyq poshtasy qatysýdy rastaý úshin paıdalanylady.
Áleýmettik jeli qoldanýshylary bul jańalyqqa teris reaksıa bildirip, 53 jastaǵy aktrısany shyndyqtan alshaqtap, jasandy ıntellektini ilgeriletetin mıllıarderlermen yntymaqtastyqta dep aıyptady. Buǵan deıin Peltroý bızneste JI tehnologıalaryn únemi qoldanatynyn jáne osy saladaǵy startaptarǵa ınvestısıa salatynyn málimdegen.
Al Sem Áltman men aktrısanyń ókili bul jaǵdaıǵa ázirge túsinikteme bergen joq.