Gvıneıa astanasy Konakrıdegi iri qoqys polıgonyndaǵy úıindi opyrylyp, mańaıdaǵy úılerdi basyp qaldy. Úkimettiń málimetinshe, kem degende 30 adam qaza tapty. Taǵy 22 adam jaraqat aldy, onyń altaýy aýyr jaǵdaıda. Bul oqıǵa Dar-es-Salam aýdanynda boldy.
Túngi jańbyrdan keıin jergilikti ýaqyt boıynsha saǵat 02:00 shamasynda bolǵan opyrylystan keıin aman qalǵandardy izdeýge áskerılerdi qosa alǵanda, «eleýli» kúsh pen resýrs jumyldyryldy, delingen úkimet málimdemesinde.
Bir áıel jergilikti BAQ-qa bes balasynyń qaza tapqanyn aıtty. Qurbandar sanynyń artýy múmkin degen qaýip bar.
Keıinirek qutqarýshylar ekskavatorlarmen shashylyp jatqan qoqys úıindisin aqtaryp jatqany kórindi, jaqyn jerde jergilikti turǵyndar jınaldy.
Gvıneıa premer-mınıstri Mamadý Ýrı Ba ahýaldy baǵalaý jáne izdeý jumystaryn basqarý úshin oqıǵa ornyna bardy. Aýdan basshysy Lansın Sıla buǵan deıin AFP agenttigine qurbandar sany kóp bolatynynan qaýiptenetinin aıtqan. «Biz morgke jetkizilgen 18 máıitti shyǵardyq», — dedi ol.
2017 jyly dál osy polıgonda bolǵan kóshkin saldarynan 10 adam qaza tapqan edi.