Qazaqstannyń Ǵylym jáne joǵary bilim mınıstrligi bilim granttaryn ıelengen talapkerlerge 25 tamyzǵa deıin joǵary oqý oryndarynyń qabyldaý komısıalaryna qujat tapsyrý qajettigin eske saldy, dep habarlaıdy infohub.kz saıty.
Vedomstvonyń túsindirýinshe, grant ıeleri grant.testcenter.kz saıtynda grant berý týraly kýálikti ala alady. Odan keıin tańdaǵan oqý ornyna grantqa nemese aqyly negizde oqýǵa qujat tapsyrý qajet.
Qajetti qujattar tizimi: jeke kýálik, 3×4 ólshemindegi fotosýret, orta bilim týraly atestat nemese kolej túlekteri úshin dıplom, № 075/ý nysanyndaǵy medısınalyq anyqtama, jigitter úshin áskerı komısarıattyń esepke alý kýáligi, bilim grantynyń elektrondyq kýáligi (bar bolsa), sondaı-aq jeńildik sanattary boıynsha rastaıtyn qujattar (bar bolsa).
Eske salaıyq, ótken aptada Qazaqstanda bilim granttaryn ıelenýshilerdiń resmı tizimi jarıalanǵan bolatyn.