Halyk Bank aksıonerleri bir aksıaǵa 28,09 teńge mólsherinde dıvıdend tóleý týraly sheshim qabyldady, bul jalpy 306,6 mlrd teńgeni quraıdy. Bul — jyl ishindegi ekinshi tólem, dep habarlaıdy infohub.kz.
Sheshim 20 tamyzda aksıonerlerdiń syrttaı jınalysynda qabyldandy. Tólemder 7 qyrkúıekte bastalady, al aksıonerler tizimi 26 tamyzda bekitiledi. Banktiń 2025 jylǵy paıdasy 1 trln teńgeni qurady, onyń 328 mlrd teńgesi sáýir aıynda dıvıdend retinde tólengen bolatyn.
Sonymen qatar, aksıonerler jarǵyǵa ózgerister engizip, dıvıdendterdi jylyna tórt retke deıin tóleýge múmkindik berdi. Eger bul júzege assa, banktiń barlyq paıdasy dıvıdendterge jumsalýy múmkin.
Eske salaıyq, Halyk Bank aksıalarynyń 62%-y «Almeks» holdıńtik kompanıasyna tıesili, ol 6,8 mlrd aksıaǵa ıe jáne 189,8 mlrd teńge dıvıdend alady. Qalǵan 35% aksıa erkin aınalymda jáne Qazaqstan qor bırjasynda, AIX jáne London qor bırjasynda satylady.
2026 jyldyń birinshi jartyjyldyǵynyń qorytyndysy boıynsha banktiń taza paıdasy ótken jyldyń sáıkes kezeńimen salystyrǵanda 15,3%-ǵa tómendep, 447,6 mlrd teńgeni qurady.