Ýáde etilgen 70% paıda qazaqstandyqtar úshin mıllıardtaǵan shyǵynǵa aınaldy. HAS qarjy pıramıdasy boıynsha jańa epızodtar anyqtaldy, dep habarlaıdy infohub.kz.
Pavlodar oblysy prokýratýrasynyń resmı saıtynda habarlanǵandaı, Pavlodarda HAS qarjy pıramıdasyn uıymdastyrýshylar men qatysýshylarǵa qatysty sot talqylaýy aıaqtaldy.
2022-2023 jyldary Soltústik Qazaqstan oblysynyń týmasy óziniń tanystarynan, Astana jáne Pavlodar oblysynyń turǵyndarynan qylmystyq top quryp, olar astana, sondaı-aq Almaty, Pavlodar, Ekibastuz jáne elimizdiń basqa qalalarynyń turǵyndarynyń aqshasyn tartqan.
Joǵary tabys týraly ýádelerge senip, 376 azamat pıramıda qatysýshylaryna 2 mlrd teńgeden astam aqsha tapsyrǵan.
Toptyń uıymdastyrýshysy kináli dep tanylyp, 12 jylǵa bas bostandyǵynan aıyryldy, basqa qatysýshylarǵa ártúrli merzimdegi jaza taǵaıyndaldy.
Qylmystyq jolmen tabylǵan múlik — Astana men Pavlodardaǵy jer telimderi men páterler, 18 avtokólik jáne 300 mln teńgeden astam qarajat tárkilendi. Úkim zańdy kúshine endi.
Pavlodar oblysy prokýratýrasynyń aıtýynsha, zardap shekkenderdiń quqyǵyn qorǵaý munymen aıaqtalǵan joq. Ári qaraıǵy jumys barysynda taǵy 139 zardap shegýshi anyqtalyp, olarǵa 882 854 500 teńge kóleminde shyǵyn keltirilgen. Jańa anyqtalǵan mán-jaılar boıynsha tergeý júrgizilip, qajetti dáleldemeler jınaqtalyp, qylmystyq is sotqa jiberildi.
Sotta memlekettik aıyptaýshy nanymdy dáleldemeler usynyp, qylmystyq sqemanyń mehanızmin jáne onyń zardap shekkender úshin saldaryn ashty. Azamattardyń múliktik múddelerin qorǵaýǵa jáne buzylǵan quqyqtardy qalpyna keltirý qajettiligine erekshe nazar aýdaryldy.
Sot memlekettik aıyptaýshynyń ustanymymen kelisip, kináliler uzaq merzimge bas bostandyǵynan aıyryldy.
Qabyldanǵan sharalar nátıjesinde jalpy somasy shamamen 3 mlrd teńge shyǵyn keltirilgen 515 azamattyń quqyǵy qorǵaldy, onyń bir bóligi zardap shekkenderge naqty óteldi.