Argentına prezıdenti Haver Mıleı Brazılıa prezıdenti Lýlany «ury» ári «sottalǵan» dep atady. Osyǵan oraı Brazılıa Býenos-Aırestegi elshisin keri shaqyrtty, dep habarlaıdy infohub.kz.
Mıleı bul sózderdi jeksenbi kúni San-Paýlýda ońshyl kandıdat Flavıý Bolsonarýdyń saılaýaldy naýqanyn iske qosý sharasynda aıtty. Ol Lýlanyń atyn atamasa da, «ury» jáne «sottalǵan» dep Brazılıa prezıdentin meńzedi. Sonymen qatar Mıleı Flavıý Bolsonarýdy ǵana «Lýlany toqtata alatyn» adam dep atady.
Brazılıa dıplomattary keıin Argentına basshysynyń Brazılıa úkimetine, halqyna jáne demokratıasyna til tıgizgenin málimdedi. Lýla bolsa sol kúni keshke «eshkimniń aralasýynsyz» basshylyq etetinin, «Brazılıada eshkimge murnyn tyǵyp, óz isi emes jerge aralasýǵa jol bermeıtinin» aıtty.
AFP habarlaýynsha, Brazılıanyń Argentınadaǵy elshisi Hýlıo Bıtellı jeksenbi men dúısenbi aralyǵynda elge qaıtpaq. Flavıý Bolsonarý — Brazılıanyń burynǵy prezıdenti Jaır Bolsonarýdyń uly. Jaır Bolsonarý ótken jyly Lýlaǵa saılaýda jeńilip, bılikte qalý úshin tóńkeris jasaýǵa qatysqany úshin 27 jyldan astam túrmege sottaldy.
Mıleı Jaır Bolsonarýdyń isin qaraǵan Brazılıa Joǵarǵy Sotynyń sýdıasy Aleksandre de Moraesty «túkke turǵysyz taz» dep atady. Moraes buǵan deıin Mıleıge úı qamaýynda otyrǵan Bolsonarýǵa barýyna ruqsat bermegen.
Lýla 2018 jyly sybaılas jemqorlyq jáne paraqorlyq isi boıynsha 12 jylǵa sottalǵan, biraq 18 aıǵa jýyq otyryp, bosatyldy. 2021 jyly Joǵarǵy Sot onyń úkimin joıdy, al kelesi jyly ótken prezıdenttik saılaýda ol sol kezdegi prezıdent Jaır Bolsonarýdy 50,9% daýyspen jeńdi.