HEPA súzgisi bar turmystyq aýa tazartqyshtardy bir aı boıy qoldaný eresek adamdardyń mı qyzmetin aıtarlyqtaı jaqsartatynyn infohub.kz saıty habarlaıdy.
Ǵalymdar Scientific Reports jýrnalynda jarıalanǵan zertteýde HEPA aýa tazartqyshtarynyń kognıtıvtik fýnksıalarǵa áserin baǵalady. Eksperımentke Massachýsets shtatyndaǵy Somervıll qalasynyń 30 ben 74 jas aralyǵyndaǵy 119 turǵyny qatysty. Bul eldi meken iri tasjoldardyń boıynda ornalasqandyqtan, aýanyń kólik gazdarymen lastaný deńgeıi joǵary.
Qatysýshylar eki topqa bólindi: birinshi top bir aı boıy HEPA súzgisin, sodan keıin bir aı boıy súzgisiz jalǵan qurylǵyny paıdalandy, arasynda bir aı úzilis boldy. Ekinshi top keri retpen ótti. Kognıtıvtik qabiletterdi testileý kórsetkendeı, 40 jastan asqan eriktiler naqty HEPA súzgisin qoldanǵannan keıin atqarýshy fýnksıalar men oılaý ıkemdiligine arnalǵan tapsyrmalardy 12%-ǵa jyldam oryndady.
Zertteý avtorlary Nıkolas Pellegrıno, Dýg Brúgge jáne Mısha Elıashevıch aýany qatty bólshekterden tazartý mıdyń aq zatyn zaqymdanýdan qorǵaýǵa kómektesetinin atap ótti.