Úndistannyń Ýttar-Pradesh shtatyndaǵy qatty nóser saldarynan keminde 56 adam qaza taýyp, myńnan astam úı qırady, dep habarlaıdy infohub.kz saıty.
NUR.KZ-tiń India Today-ǵa silteme jasap, shtat úkimetiniń derekterine súıenip habarlaýynsha, 60 saǵatqa sozylǵan úzdiksiz jańbyrdan 56 adam kóz jumyp, taǵy 46 adam jaraqat alǵan. Sonymen qatar 107 mal ólip, 1 021 úı qıraǵan.
Eń kóp ólim Sıtapýrda tirkeldi — jeti adam, Lakhımpýr-Kherı, Bahraıch jáne Balrampýrda — bes-besten. Hargoıda 272 úı qıraǵan — bul basqa okrýgterge qaraǵanda kóp. Qatty jańbyr birqatar aýdanda sý tasqyny men kólik qozǵalysynyń úzilýine ákeldi.
Meteorologıalyq derekterge sáıkes, táýlik ishinde Bandada 227,6 mm, Fatehgarhta — 224 mm, Bahraıch okrýginiń Nanpar aýylynda — 217 mm, Hargoıda — 214 mm jaýyn-shashyn túsken.
27 qyrkúıek, jeksenbi kúni Úndistannyń meteorologıalyq departamenti Shyǵys Ýttar-Pradeshtiń birqatar aýdanynda qaıtadan qatty jańbyr men naızaǵaı bolady dep boljady.