Hyundai modeldik qataryn aýqymdy jańartýǵa daıyndalýda: 2030 jylǵa deıin kompanıa 100-den astam jańa jáne jańartylǵan avtomobıldi usynýdy josparlap otyr. Aldaǵy segiz aıda jeti premera kútilýde, dep habarlaıdy infohub.kz saıty.
Kompanıa avtomobılderdi jańa segmentterge shyǵarýdy jáne jaqyn jyldary krosoverler, elektromobılder men komersıalyq kólik qataryn keńeıtýdi kózdep otyr. Josparda – Soltústik Amerıkada 58, Ońtústik Koreıada 49, Eýropada 41, Úndistanda 26 jáne Qytaıda 22 iske qosý bar.
Jaqyn aradaǵy jańalyqtardyń biri – EREV qondyrǵysy bar Santa Fe. Ol 2027 jyldyń birinshi jartysynda shyǵady. Jalpy júris qory 966 km-den asýy tıis. Hyundai bul rette ádettegi zarád pen júris qory týraly alańdaýsyz elektromobıl sezimin ýáde etedi.
Eýropalyq baǵdarlama bes tolyq jańa elektr modelin qamtıdy – B-segmentiniń eki krosoveri, D-segmentiniń úlken krosoveri jáne eki elektr fýrgony. Hyundai Eýropada elektromobıl satylymyn 2025 jylǵy 116 myńnan 2030 jylǵa qaraı 420 myńnan astamǵa deıin arttyrýdy josparlap otyr.
Qytaıda kompanıa jańa modelder esebinen jaǵdaıdy ózgertýge nıetti. 2027 jyly Ioniq V shyqqannan keıin elektr jáne EREV modelderi paıda bolady, onyń ishinde júris qory 600 km-ge deıin jetetin C-segmentiniń krosoveri de bar.
Genesis premıým brendiniń de josparlary úlken. 2027 jyly kompanıa EREV qondyrǵysy bar jol talǵamaıtyn kólikti usynady, ol 1 030 km-den astam jol júre alady. 2030 jylǵa qaraı Genesis 40-tan astam elde bolýdy jáne jylyna shamamen 350 myń avtomobıl satýdy kózdep otyr. Sonymen qatar brend model qataryn keńeıtip, jańa segmentterge shyǵýdy josparlap otyr.
Hyundai sondaı-aq N sporttyq jelisin damytýdy jalǵastyrady jáne 2030 jylǵa qaraı onyń satylymyn jylyna 100 myń avtomobılge deıin arttyrýdy kózdeıdi. Budan basqa, kompanıa ortasha ólshemdi pıkapty qosa alǵanda, ramalyq modelderdi daıyndaýda.