AQSH-ta ımıgrasıalyq agenttik qyzmetkerine qatysty iri aıyp taǵyldy. Ol venesýelalyq azamatty atyp, bul týraly jalǵan málimdeme jasaǵany úshin sot aldynda jaýap beredi. Bul týraly infohub.kz saıty habarlaıdy.
AQSh federaldyq sotynyń úlken alqasy Kastroǵa qatysty alty baptan turatyn aıyptaý qorytyndysyn shyǵardy. Bul týraly CBS aqparat kózi habarlady. AQSh bıliginiń málimetinshe, Kastro qamaýǵa alynǵannan keıin aıyptaý qujaty jarıa etiledi dep kútilýde.
Aıyptaýlar Tehas gýbernatorynyń Kastrony Mınnesota shtatyna ekstradısıalaýdan bas tartýynan keıin jasaldy. Mınnesotada oǵan atý oqıǵasyna baılanysty jeke aıyptar taǵylǵan. Ol mamyr aıynda Tehasta qamaýǵa alynyp, úsh aı túrmede otyrǵan.
Kastro «Operasıa Metro Surge» kezinde Mınnesotaǵa jiberilgen myńdaǵan federaldy ımıgrasıalyq qyzmetkerlerdiń biri bolǵan. Bul operasıa qatty narazylyqtarǵa ulasyp, qaqtyǵystar kezinde eki amerıkalyq azamattyń qazasyna sebep boldy.
Alfredo Alehandro Alhorna jáne aıaǵynan jaralanyp, tiri qalǵan Hýlıo Sesar Sosa-Selıs bastapqyda federaldy qyzmetkerlerge zorlyqpen shabýyl jasady, qarsylyq kórsetti nemese kedergi keltirdi dep aıyptalǵan. Biraq beınebaqylaý jazbalary oqıǵanyń bul nusqasyna kúmán týdyrǵan soń, federaldy prokýrorlar qyzmetkerlerge qatysty tergeý júrgizdi.
Aqpan aıynda ICE eki ımıgrasıalyq agent atý oqıǵasy týraly «shyndyqqa janaspaıtyn málimdemeler» jasaǵan bolýy múmkin dep málimdedi. Olar ákimshilik demalysqa jiberildi. Mıgranttarǵa qatysty aıyptaýlar «jańadan anyqtalǵan dálelderge» baılanysty joıyldy, dep habarlady CBS.