Reseılik telejúrgizýshi, bloger jáne ánshi Ida Galıch Instagram-da demalys sýretterin jarıalady. Kadrlarda ol makıajsyz jáne kýpalnıkpen beınelengen, dep habarlaıdy infohub.kz saıty.
Ánshiniń aıtýynsha, ol kúıeýi Oleg Ledvıchpen birge qala syrtynda tórt kún demalýǵa múmkindik alǵan. Jarıalanǵan sýretterde Galıch aq maıkamen jalpaq ishin kórsetip poza tartqan, sondaı-aq qara bólek kýpalnıkpen shezlońta jatyr. Shashyn jınap, kosmetıkadan bas tartqan.
«Uıyqtadyq, dámdi tamaq jedik, shampan ishtik, kóp kitap oqydyq, keıde jumys istedik, shomyldyq, sportpen aınalystyq, badmınton oınadyq jáne únemi kúldik. (...) Janǵa jaıly ári tynysh kúnder, ekeýmiz ǵana boldyq. Úıge tolyqqan, demalyp qaıtyp kelemin», — dep jazdy bloger.
Aıta keteıik, Ida Galıchtiń 6,9 mln jazylýshysy bar. Post astynda jankúıerler kóptegen komplıment qaldyrdy: «Sondaı ádemi, qaraı almaımyn», «Qandaı keremetsińder», «Baqyt kózde, aýada, tipti ár sekpilde», «Keremet Ida Galıch», «Qandaı ádemi, jarqyrap tursyń», «Baqytty qyz».
«Vokrýg TV» málimetinshe, Ida Galıch Germanıada áskerı qyzmetker otbasynda dúnıege kelgen, al anasy medbıke bolǵan. Saýda-ekonomıkalyq ınstıtýtta oqyp júrgende KVN oınaı bastady. 2015 jyly onyń «Moskva ne srazý stroılas» komandasy KVN Premer-lıgasy maýsymynyń fınalynda úshinshi oryn aldy.
KVN-nan keıin ol «Comedy Battl» jobasyna qatysty, alaıda tanymaldylyq Instagram-daǵy qysqa kúlkili vıdeolardyń arqasynda keldi. Sondaı-aq ol túrli festıválder men teleshoýlardy júrgize bastady.
Jaqynda ánshi ekinshi ret turmysqa shyqty — ol kásipker Oleg Ledvıchpen nekesin tirkedi. Al byltyr telejuldyzdyń ekinshi balasy dúnıege keldi — qyzyn Lıa dep atady. Idanyń birinshi nekesinen Leon esimdi uly bar.