Belgili kompozıtor Igor Krýtoı áleýmettik jelilerde naǵyz dostyq týraly jańa ánniń tusaýkeserin jarıalady, dep habarlaıdy infohub.kz saıty.
Maestronyń jańa týyndysy «Jaqyn dos» dep atalady. Onyń úzindisin ol jankúıerlerine usyndy, sondaı-aq Evgenı Evtýshenkonyń dostyq týraly óleńderinen úzindi keltirdi. «Relız jaqyn arada», — dep atap ótti Krýtoı.
Jankúıerler jańa ánniń alǵashqy úzindisin birden joǵary baǵalap, ánniń shyǵýyn asyǵa kútetinderin bildirdi. «Igor Iakovlevıch, shyǵarmashylyǵyńyzǵa rahmet. Siz úlken árippen jazylatyn adamsyz», «Maestro árqaısymyzǵa dostyq týraly jeke oqıǵa aıtyp turǵandaı áser qaldyrady», «Keremet, sýper», «Tamasha týyndylaryńyzben qýanta berińiz, rahmet», «Eń úzdik kompozıtor, siz — ańyzsyz», — dep jazdy oǵan jankúıerleri.
Igor Krýtoı árqashan jazylýshylaryna jyly sózdermen jaýap berýge tyrysady. Qazaqstandyq bir jankúıer de onyń jarıalanymyna óz pikirin qaldyrdy. «Meniń súıiktim. Qaraǵandydan sálem», — dep jazdy áıel. «Qaraǵandyǵa sálem joldaımyn», — dep jaýap berdi oǵan Krýtoı jáne «qyzyl júrekshe» men «qol alysý» emodzılerin qosty.
Eske salaıyq, Dımash Igor Krýtoıdy 72 jasqa tolýymen áleýmettik jelide quttyqtaǵan bolatyn. Sondaı-aq Alex Lim maestroǵa arnap tebirentetin joldar arnady.