AQSH-ta jastar arasynda psıhıkalyq densaýlyqty qoldaý úshin jasandy ıntellektisi bar chat-bottardy qoldaný qarqyndy ósýde. Garvard medısına mektebiniń saýalnamasyna sáıkes, bir jyl ishinde psıhologıalyq kómek alý úshin II-ge júginetin jastardyń úlesi 60 paıyzǵa artqan, dep habarlaıdy infohub.kz.
Garvard-Pılıgrım densaýlyq saqtaý ınstıtýtynyń dosenti Hao Iýıdiń jetekshiligimen júrgizilgen zertteý kórsetkendeı, bir jyl buryn neırojelilerge respondentterdiń segizden biri júginse, endi II-den psıhologıalyq keńes alatyndar árbir besinshi (shamamen 20 paıyz) boldy. Saýalnamaǵa 12 ben 21 jas aralyǵyndaǵy 1727 adam qatysty. Nátıjeler kórsetkendeı, bul tehnologıaǵa kóbinese qyzdar men joǵary synyp oqýshylary júginedi. Sonymen qatar, suralǵandardyń kópshiligi II-di qoldaný faktisin ata-analary men dárigerlerden jasyrady.
Hao Iýıdiń aıtýynsha, chat-bottar AQSH-taǵy psıhıkalyq densaýlyq daǵdarysy aıasynda mamandar tapshylyǵyn toltyrýǵa kómektesedi. Degenmen, ǵalym algorıtmder beretin usynystardyń qaýipsizdigin baqylaý qajettigin atap ótti.