Shomylý maýsymy bastalǵannan beri Qazaqstanda 69 bala sýǵa ketti. Osyǵan baılanysty İshki ister mınıstrligi ata-analarǵa eskertý jasady, dep habarlaıdy infohub.kz.
İİM vedimistik saıtynyń málimetinshe, baqytsyz jaǵdaılar kóbinese jabdyqtalmaǵan jerlerde shomylý saldarynan bolady. Balalar túbi tekserilmegen, aınalym men kúshti aǵysy bar stıhıalyq jaǵajaılarda shomylady. Sondaı-aq eresekterdiń demalý kezinde аlkogóldi ishimdikterdi teris paıdalanýy saldarynan balalar nazarsyz qalyp, qaza tabady.
Quqyq qorǵaý organdary tyıym salynǵan jerlerde shomylǵany úshin ákimshilik jaýapkershilik (ÁQBtK-niń 364-baby) qarastyrylǵanyn eske saldy. Jyl basynan beri 2700-den astam quqyq buzýshy jaýapqa tartyldy.
İİM sý aıdyndarynda qaýipsizdik erejelerin saqtaýdy usynady:
– jabdyqtalmaǵan jerlerde shomylýdan aýlaq bolý;
– demalys kezinde balalardy qadaǵalap, nazardan tys qaldyrmaý;
– balalarǵa beıtanys jerlerde shomylýdyń qaýiptiligin túsindirý (kúshti aǵys, tastar, qoqys, aınalymdar);
– ystyqta sýyq sýǵa túsýdiń qaýipti ekenin eskerý – kenetten temperatýra ózgerisi qan tamyrlarynyń túıilýine jáne qurysýǵa ákeledi.