Astananyń týrısik polısıasynyń eki qyzmetkeri mysyrlyq blogermen bılegeni úshin jumystan shyǵaryldy. Olardy qaıta qyzmetke alý josparlanbaıdy. İshki ister mınıstriniń orynbasary Igor Lepehanyń aıtýynsha, tártiptik komısıa mundaı áreketti polıseılerge qoıylatyn talaptarǵa saı emes dep tanydy, dep habarlaıdy infohub.kz saıty.
Lepehanyń sózinshe, ol qyzmetkerlerdiń jumystan shyǵarylýyn negizdi dep sanaıdy.
«Komısıa olardyń áreketinen keminde qyzmettik etıka men polısıa qyzmetkerleriniń minez-qulqyna qoıylatyn talaptardyń buzylǵanyn kórdi. Qandaı da bir blogerler nemese bloger emester qyzmet basyndaǵy, nysan kıgen qyzmetkerlerdi qoldaryna kóterip, basqa da áreketter jasaýy durys emes. Biz konservatıvti adamdar bolýymyz múmkin, biraq polısıa qyzmetkeriniń ózin osylaı ustaýyna jol berilmeıdi dep esepteımiz. Al tártiptik komısıa bul áıelderdi jumystan shyǵarǵan durys, olar ózderin, múmkin, mádenıet salasynan taba alady dep sheshti», — dedi Igor Lepeha úkimettegi brıfıńte jýrnalıserdiń suraqtaryna jaýap berip.
Sonymen qatar vıse-mınıstr polısıa ashyq bolýy jáne qoǵammen ózara árekettesýi tıis ekenin atap ótti. Alaıda, onyń aıtýynsha, bul qyzmet basyndaǵy qyzmetkerlerge kez kelgen beıresmı minez-qulyqqa jol beriledi degendi bildirmeıdi.
«Qyzmetker, birinshiden, azamattyń muqtajyn kórip, oǵan jaýap berýi kerek. Aıtalyq, qylmys jasalsa — ony barynsha tez ashý nemese qyzmet atqaryp júrse, onyń jasalýyna jol bermeý. Mine, bul, sirá, bizdiń negizgi mindetimiz. Al eger biz sonda bılep, án salsaq — onda olaı emes. Jumystan tys jerde — qudaıǵa shúkir, ruqsat», — dep qosty ol.
Buǵan deıin «Kýrsıv» Astananyń týrısik polısıasynyń eki qyzmetkeri áleýmettik jelilerde mysyrlyq trevel-bloger Ahmed Haggagovıchpen túsirilgen vıdeo taraǵannan keıin jumystan shyǵarylǵanyn jazǵan bolatyn. Kadrlarda nysan kıgen qyzdar blogermen birge birneshe bı qımylyn jasaǵan, al ol bireýin qolyna kóterip, aınaldyrǵan. Qyzmettik tekserýden keıin Astana qalalyq polısıa departamenti normalardyń buzylǵanyn málimdedi.