Internette Qazaqstannyń jańartylǵan pasport úlgisi neondyq sýretterimen beınelengen delinetin fotosýretter taralyp jatyr. İshki ister mınıstrligi bul sýretterge resmı túrde qatysy joq ekenin málimdedi, dep habarlaıdy infohub.kz.
Instagram-daǵy astana_sergek paraqshasynda qar barysy, qyzǵaldaqtar, «Báıterek» monýmenti, Beıbitshilik pen kelisim saraıy jáne EXPO sferasy beınelengen jeke kýáliktiń bir nusqasy jarıalandy. Bul elementter jańa emes, buryn túrli jobalarda kezdesken.
İİM baspasóz qyzmeti áleýmettik jelilerde tarap jatqan eskızdiń Qazaqstan Respýblıkasynyń memlekettik organdary ázirlegen nemese bekitken resmı joba, jumys nusqasy nemese ózge qujat emes ekenin aıtty. «Bul materıal Qazaqstan Respýblıkasy azamatynyń pasportynyń jańa dızaınyna qatysy joq», — dep atap ótti vedomstvoda.
Sondaı-aq qazirgi ýaqytta pasporttyń jańa dızaınynyń maketi ázirlenip jatqanyn, jumys aıaqtalǵan soń túpkilikti nusqa bekitilip, múddeli tulǵalarǵa belgilengen tártippen habarlanatynyn jetkizdi. Qazirgi kezde eskızder men maketterdi usyný múmkin emes, óıtkeni túpki dızaın áli bekitilmegen.