Qazaqstan İshki ister mınıstrligi shekarada júrgizýshilerden aqsha bopsalady dep kúdiktelgen qylmystyq top músheleriniń ustalý sátin jarıalady, dep habarlaıdy infohub.kz saıty.
Atalǵan vedomstvo uıymdasqan qylmysqa, bopsalaýshylyqqa jáne azamattar men kásipkerlerge qarsy qylmystyq qysymnyń ózge de túrlerine qarsy júıeli túrde keshendi sharalar qoldanyp keledi. Qylmystyq top quramynda áreket etetin adamdardy anyqtaýǵa, quqyqqa qarsy árekettiń barlyq qatysýshysyn belgileýge jáne olardyń qylmystyq sqemalaryn joıýǵa erekshe kóńil bólinedi.
23 qyrkúıekte Jambyl oblysynyń polıseıleri Ulttyq qaýipsizdik komıteti departamentimen birlesip, atalǵan óńirdegi shekara beketinen ótken aýyr júk, jolaýshy, jeńil jáne tranzıttik kólik júrgizýshilerinen aqshany júıeli túrde bopsalady dep kúdiktelgen qylmystyq toptyń áreketin toqtatty.
27 tintý sharasy júrgizildi. Sýyq qarý, baılanys qurylǵylary, iri kólemdegi aqsha, sondaı-aq avtokólikter tárkilendi.
Tergeý adamdar toby jasaǵan bopsalaýshylyq faktisi boıynsha júrgizilýde. Qazirgi tańda quqyqqa qarsy árekettiń barlyq mán-jaıy, oǵan qatysýshylardyń árqaısysynyń róli, sondaı-aq qosymsha epızodtar anyqtalýda.