Qazaqstan Respýblıkasy İshki ister mınıstrliginiń uıymdasqan qylmysqa qarsy kúres departamentiniń úshinshi basqarmasynyń bastyǵy Samat Kýsetov Ortalyq komýnıkasıalar qyzmetinde ótken dóńgelek ústel barysynda azamattardy shetelge jumysqa ornalasý kezindegi alaıaqtyq sqemalar týraly eskertti, dep habarlaıdy infohub.kz saıty.
Kýsetovtyń aıtýynsha, adam saýdasyna qarsy kúresti barlyq ýákiletti organdar, onyń ishinde Interpoldyń kómegimen júrgizedi. Ol adal jumys berýshiniń eshqashan Telegram jáne WhatsApp messendjerleri arqyly qyzmetker izdemeıtinin jáne eń aldymen pasportty talap etpeıtinin erekshe atap ótti. «Ol eń aldymen bilimi týraly qujattardy, til bilýi týraly suraıdy. Sondyqtan azamattarymyzdy alaıaqtardyń aılasyna aldanbaýǵa shaqyramyn», — dep shaqyrdy İİM ókili.
Sol kúni Qazaqstan Syrtqy ister mınıstrliginiń arnaıy tapsyrmalar jónindegi elshisi Stanıslav Vasılenko qazaqstandyqtardyń halyqaralyq adam saýdagerleriniń qurbany bolǵan jaǵdaılary týraly habarlady.