Qazaqstan İshki ister mınıstrligi azamattarǵa alaıaqtyq SMS-habarlamalar taratylyp jatqany týraly eskertti. Bul habarlamalarda abıtýrıentterge İİM-niń vedimistik oqý oryndaryna qabyldanǵany týraly jalǵan aqparat beriledi, dep habarlaıdy infohub.kz saıty.
Mınıstrlik bul habarlamalardyń vedomstvoǵa qatysy joq jáne jalǵan ekenin málimdedi. İİM joǵary oqý oryndaryna qabyldaý naýqany áli aıaqtalmaǵan: konkýrstyq irikteýdiń barlyq kezeńderi jalǵasýda, al qujattardy qabyldaý belgilengen merzimde — 15-25 shilde aralyǵynda júzege asyrylýda.
Qorytyndy nátıjeler barlyq kezeńder aıaqtalyp, qabyldaý komısıalary sheshim qabyldaǵannan keıin ǵana belgili bolady. Abıtýrıentter olardy tek Qyzmet police aqparattyq júıesindegi jeke kabınet arqyly bile alady.
İİM Qyzmet police júıesi qabyldaý týraly SMS-habarlamalar jibermeıtinin erekshe atap ótti. Vedomstvo mundaı habarlamalarǵa senbeýge, olardaǵy siltemelerge ótpeýge, jeke derekterdi úshinshi tulǵalarǵa bermeýge jáne tek resmı aqparat kózderin paıdalanýǵa shaqyrady.