2026 jyldyń birinshi jartyjyldyǵynda Ózbekstannan Qazaqstanǵa turaqty turýǵa kelgen ımıgranttar sany ótken jyldyń sáıkes kezeńimen salystyrǵanda eki esege azaıyp, 2 894 adamdy qurady, dep habarlaıdy infohub.kz saıty.
Bul sońǵy bes jyldaǵy birinshi jartyjyldyqtaǵy eń tómengi kórsetkish. Resmı statısıkada ımıgranttarǵa turaqty turý elin aýystyryp, Qazaqstanda turý orny boıynsha tirkelgen sheteldikter men azamattyǵy joq adamdar jatqyzylady.
Aldyńǵy jyldary bul kórsetkish birkelki ózgergen joq. 2022 jyldyń qańtar-maýsymynda Ózbekstannan kelgender sany jyldyq mánde 132%-ǵa, 2024 jyly 51%-ǵa, al 2025 jyldyń birinshi jartyjyldyǵynda taǵy 18%-ǵa ósken.
Nátıjesinde, sońǵy tórt jylda birinshi jartyjyldyqtaǵy Ózbekstannan kelgen ımıgranttar sany 3 myń adamnan asyp otyrǵan. Qazir kórsetkish 2022 jylǵa deıingi deńgeıge jaqyndady.
DATA HUB derekterine sáıkes, qańtar-maýsymda Ózbekstannan kelgenderdiń 69%-y qazaqtar. Olar kóbinese Almaty jáne Mańǵystaý oblystaryn tańdaǵan — 60% osy aımaqtarǵa tıesili. Taǵy 18% ımıgrant Almaty men Astanada qonystanǵan.
Kelgender sanynyń azaıýyna qaramastan, Qazaqstan men Ózbekstan arasyndaǵy kóshi-qon saldosy oń bolyp qalýda. Sebebi Qazaqstannan Ózbekstanǵa turaqty turýǵa ketetinderdiń sany shamaly.
Buǵan deıin «Kýrsıv» İİM sheteldikter men azamattyǵy joq adamdar úshin Qazaqstanǵa kirýge aqyly elektrondy ruqsat engizýdi usynǵanyn jazǵan. Júıeni 2026 jyldyń tamyzynan jeltoqsanyna deıin kezeń-kezeńimen engizý josparlanýda, al qaýly jobasy 17 tamyzǵa deıin qoǵamdyq talqylaýda bolady.