Úndistanda jolaýshylar ushaǵynyń komandıri ushý kezinde esirtkiniń áserinde bolǵan. Synaq marıhýana qabyldaǵanyn rastady, dep habarlaıdy infohub.kz saıty.
Air India áýekompanıasynyń Airbus A320 ushaǵynyń komandıri Phýketten Nú-Delıge ushý kezinde esirtki áserinde bolǵan, dep habarlaıdy TASS The Times of India gazetine silteme jasap. Bastapqyda áýekompanıa basshylyǵy oqıǵany ushaqtyń týrbýlenttilik aımaǵyna túsýimen túsindirdi. Alaıda tergeý komandırdiń jaǵdaıy shynaıy sebep bolýy múmkin ekenin kórsetti.
Kýágerlerdiń aıtýynsha, komandır kenetten ushaqty basqarýdy toqtatyp, ózin-ózi ustaı almaı, mindetterin oryndaı almaı, bortserikter tarapynan shuǵyl kómekke muqtaj bolǵan. Nátıjesinde laıner kúrt tómendeı bastaǵan, sonyń saldarynan 20 jolaýshy men ekıpajdyń 4 múshesi zardap shekken. Keıin 17 zardap shekken adam aýrýhanaǵa jatqyzyldy.
Áýe apatynan ekinshi ushqysh qutqardy, ol ushaqty basqarýdy óz qolyna alyp, baǵyt boıynsha qonýǵa ákeldi.