Úndistandy sońǵy jyldardaǵy eń iri stýdenttik narazylyq tolqyny sharpydy, dep habarlaıdy infohub.kz Bloomberg-ke silteme jasap.
Jappaı aksıalarǵa medısınalyq joǵary oqý oryndaryna túsýge arnalǵan ulttyq emtıhanǵa qatysty janjal sebep boldy. Emtıhan materıaldary jarıa bolǵannan keıin bılik 2,2 mln talapkerdiń nátıjesin joıyp, qaıta tapsyrýdy taǵaıyndady. Kóptegen adam úshin qaıta emtıhan tómen upaı ákelip, is júzinde túsý múmkindiginen aıyrylýǵa ákep soqty.
Narazylyq qozǵalysy «Taraqandar partıasy» dep ataldy. Bul Úndistannyń bas sýdıasy jumyssyz jastardy taraqandarmen salystyrǵannan keıin paıda boldy. Bul sóz birden vırýstyq memge aınalyp, Nú-Delı men basqa qalalardy sharpyǵan narazylyqtardyń sımvolyna aınaldy.
Ekonomıkalyq ósimniń joǵary qarqynyna qaramastan, Úndistanda jastardy jumyspen qamtý máselesi ótkir kúıde qalyp otyr. Zertteý derekterine sáıkes, 2025 jyly túlekterdiń tek 4%-y ǵana áleýmettik kepildikteri bar resmı jumys taba aldy, al jyl saıyn eńbek naryǵyna shamamen 8 mln jas maman shyǵady.
Myńdaǵan adam qatysqan demonstrasıalardan keıin bılik emtıhan materıaldarynyń jarıa bolýyna kinálilerdi jaýapkershilikke tartý nıetin bildirip, narazylyqqa qatysýshylardyń talaptaryn qarastyrýǵa ýáde berdi.