Uıymdastyrylǵan oqý is – áreketiniń tehnologıalyq kartasy

Bilim berý salasy: Qatynas
Bólimi: Til damytý. Tárbıeshi: Ahmetkalıeva M. B.
Taqyryby: Yntymaq merekesi.
Maqsaty: 1 Mamyr Qazaqstan halqynyń yntymaq kúni týraly túsinik berý.
1 Mamyr merekesi týraly óleńder oqytý arqyly este saqtaý qabiletterin damytý.
Elimizde turatyn ulttardy syılaýǵa, olarmen dostyq qarym - qatynasta bolýǵa tárbıeleý.
Kórnekilikteri: merekege arnalǵan sújetti sýretter.
Kirispe bólim.
Shattyq sheńberin qurý. Dóńgelene turyp, «Dostyǵymyz jarasqan» ánin oryndaý. Bir - birine merekege arnalǵan tilekter tileıdi.
Negizgi bólim.
Dápterdegi ulttar dostyǵy beınelengen sýret arqyly jumys júrgizý. Jumys suraq - jaýap, kórnekilik, túsindirý ádisteri arqyly ótedi.

Sózdik jumysyn júrgizý.
Yntymaq – adamdar arasyndaǵy birlik.
Mereke – saltanatty toı, meıram.

Tárbıeshi Qazaqstan Respýblıkasynda turyp jatqan halyqtardyń turmysy men mádenıeti jaıly qysqasha túsindiredi.
1 Mamyr – Qazaqstan halqynyń birligi men dostyǵyn pash etetin aıtýly mereke. Elimizdegi ulttar men ulystardyń dostyǵy men birligi, tatýlyǵy men yntymaǵy ózge elderge ónege bolarlyqtaı. Zamanynda qazaqtyń darhan dalasy kóptegen ulttarǵa pana, qamqor boldy. Sonyń nátıjesinde qazaq jeri baýyrlastar mekeni, dostyqtyń qutty uıasy atandy. Júrekteri jomart, alaqandary ashyq qazaqtar ózge ult ókilderimen bir ananyń balasyndaı ǵumyr keshýde. «Birlik bar jerde – tirlik bar», «Yrys aldy – yntymaq» deıdi halyq danalyǵy.

Tárbıeshi S. Ospanovtyń dostyq týraly óleńin daýystap oqıdy, mazmunyn túsindiredi. Óleńdi balalarǵa birneshe qaıtalattyryp jattatady.
Biz – baldyrǵan teń basqan,
Dos qushaǵyn elge ashqan.
Tilegimiz – beıbit kún,
Ashyq bolsyn keń aspan!

Ulttar dostyǵyn beıneleıtin sýret saldyrý.
Sabaqta alǵan bilimderi suraq - jaýap ádisi arqyly pysyqtalady.

Kútiletin nátıje:
Júıeleıdi: yntymaq merekesi týraly
Qoldanady: beıbitshilik týraly óz oılaryn aıta biledi.
Túsinedi: úlkenderdiń eńbegin qurmetteýdi