Astanada ıpoteka rásimdeýge kómektesemin dep aldaǵan 25 jastaǵy áıel ustaldy, dep habarlaıdy infohub.kz.
İshki ister mınıstrliginiń vedimistik saıtynyń málimetinshe, Astana qalalyq polısıa departamentiniń qyzmetkerleri kúdiktiniń tulǵasyn anyqtap, ustaǵan. Aldyn ala derekter boıynsha, kúdikti óziniń burynǵy synyptasynyń senimine kirip, úlken alańdy páterge ıpotekany tez rásimdeýge kómektesetinin aıtqan. Jábirlenýshini sendirý úshin ol áleýmettik jelilerde habarlandyrýlar jarıalap, qajetti baılanystary men múmkindikteri bar degen kórinis jasaǵan. Ýádege sengen jábirlenýshi oǵan 3 mıllıon teńge bergen.
Aqshany alǵannan keıin kúdikti baılanysqa shyqpaı, óz mindettemelerin oryndamaǵan. Jedel-izdestirý is-sharalary barysynda polısıa qyzmetkerleri onyń ornalasqan jerin anyqtap, basqa óńirdiń aýmaǵynda ustaǵan.
Polısıa azamattarǵa eskertedi: resmı kelisimsharttyq mindettemelersiz beıtanys nemese tanys adamdarǵa aqsha aýdarmańyz, memlekettik qyzmetterdi jedel alýǵa nemese jyljymaıtyn múlikti rásimdeýge qatysty ýádelerge senbeńiz. Kúmán týyndaǵan jaǵdaıda aqparatty tek resmı kózder arqyly tekserińiz.