Kóp jyldar boıy baspana kezeginde kútip sharshaǵan qazaqstandyqtar «Naýryz» ıpotekalyq baǵdarlamasyn paıdalanyp, prosesti jyldamdata alady. Bul týraly úkimet otyrysynda «Otbasy banki» basqarma tóraıymy Lázzat Ibragımova málimdedi, dep habarlaıdy infohub.kz saıty.
Ibragımovanyń aıtýynsha, aldaǵy bes jylda kezekte turǵan 300 myńǵa jýyq qazaqstandyq nesıelik baspana ala alady. Alaıda jaldamaly turǵyn úımen jaǵdaı kúrdelirek: berý qurylys qarqynyna baılanysty bolady.
«Bıyl qarqyn óte joǵary. 12 myńnan astam. Osy qarqynmen júretin bolsaq, bul máseleni 5–8 jylda sheshemiz», — dedi Ibragımova.
«Otbasy banki» basshysy baspanany tezirek alǵysy keletinder úshin 7% mólsherlememen «Naýryz» ıpotekalyq baǵdarlamasy jumys isteıtinin atap ótti. «Iaǵnı, bizdiń mindetimiz — kóbirek adamdy naryqtyq baǵdarlamalarǵa aýystyrý. Qymbatyraq, biraq tezirek alýǵa bolady. Tabysy tómen adamdar kóbirek kútedi, óıtkeni olar tólemniń áldeqaıda tómen bolǵanyn qalaıdy», — dep túsindirdi ol.
Buǵan deıin Qazaqstanda tamyz aıynyń sońyna deıin áıelderge arnalǵan «Umaı» ıpotekasy iske qosylatyny habarlanǵan bolatyn.