Iran Syrtqy ister mınıstrliginiń basshysy Abbas Arakchı Tegerannyń Amerıka Qurama Shtattarymen dıplomatıalyq kelissózge de, jańa áskerı qaqtyǵysqa da birdeı daıyn ekenin málimdedi, dep habarlaıdy infohub.kz saıty.
Mınıstrdiń aıtýynsha, AQSH-tyń Tegeranǵa qarsy kezekti agresıasy burynǵydaı-aq nátıjesiz bolady.
«Jańa agresıa bastalsa, biz tolyq daıynbyz. Qandaı agresıa bolsa da qarsy turamyz, tipti qıamet soǵysy bolsa da. Sonymen qatar dıplomatıalyq kelissózge de daıynbyz. Tańdaý — prezıdent Tramptyń qolynda», — dedi Arakchı NBC telearnasyna bergen suhbatynda.
Syrtqy saıasat vedomstvosynyń jetekshisi Iran daýdy dıplomatıalyq jolmen sheshýge tolyq daıyn ekenin, biraq Vashıngton ırandyq jeti tarmaqtan turatyn jospardy qabyldaǵan jaǵdaıda ǵana ekenin atap ótti.
Buǵan deıin AQSh prezıdenti Donald Tramp Irannyń bir aptalyq bitimge kelý týraly usynysyn ashyq túrde qabyldamaǵan bolatyn. Alaıda Tegeranǵa túpkilikti jaýap áli jetkizilgen joq.
Sonymen qatar Iran prezıdenti jaqynda Tegeran ıadrolyq qarý jasaýǵa umtylmaıtynyn, ony ázirleý dinı turǵydan tyıym salynǵan nárse ekenin aıtqan.
«Iadrolyq qarý jasaý — haram», — dep túsindirdi Pezeshkıan.