Iran deldaldar arqyly AQSh prezıdenti Donald Tramptyń ákimshiligine Vashıngtonmen kelisimge qol jetkizgen soń jeti kún ishinde Ormýz buǵazyn ashý týraly usynys jetkizdi, dep habarlaıdy infohub.kz saıty.
Tegerannyń usynysy týraly Iran Syrtqy ister mınıstrliginiń basshysy Abbas Aragchı aıtty — ol ony Birikken Ulttar Uıymynyń Bas Assambleıasy aıasynda jarıalady. Vashıngtonmen jasalatyn mámileniń naqty sharttary ázirge jarıalanbaı otyr. Bul týraly Bild The New York Times jáne Financial Times basylymdarynyń jarıalanymdaryna silteme jasap habarlaıdy.
Buǵan deıin Iran óz aktıvterin buǵattan shyǵarýdy, áskerı qımyldardy toqtatýdy jáne ırandyq porttar men kemelerge salynǵan amerıkandyq blokadany alýdy talap etken. Aq úı deldaldar arqyly «oń jáne syndarly kelissózder» júrip jatqanyn rastady.
Sonymen qatar jarıa túrde taraptar áli de bir-birine qarsy keskilesken ustanymda. BUU Bas Assambleıasynda Tramp Irannyń aldynda «ulylyq» pen «joıylý» arasynda tańdaý turǵanyn málimdedi, al Iran prezıdenti Masýd Pezeshkıan AQSH-ty terorızmge aıyptady.
Buǵan deıin biz Iran prezıdenti Masýd Pezeshkıan Tegerannyń AQSH-pen halyqaralyq quqyq aıasynda mámile jasasýǵa umtylatynyn málimdegenin jazǵan bolatynbyz.