Iran deldaldar arqyly Amerıka Qurama Shtattaryna Ormýz buǵazyn ashýǵa qatysty jańa jeti kúndik josparyn resmı túrde jetkizdi. Bastamany Iran Islam Respýblıkasynyń Syrtqy ister mınıstri Abbas Arakchı jarıalady, dep habarlaıdy infohub.kz saıty.
«Qajetti sharttar oryndalsa, buǵaz qaıta ashylyp, qalypty keme qatynasy jeti kún ishinde qalpyna kelýi múmkin», — dedi ırandyq syrtqy saıası vedomstvonyń basshysy.
Iran tarapynyń málimdemelerine, sondaı-aq The Financial Times pen The Washington Post jarıalanymdaryna qaraǵanda, ýaqyt sanaǵy Vashıngton usynylǵan memorandýmdy qabyldaǵannan keıingi kúnnen bastalady.
Buǵan deıin Iran amerıkandyq tarap birqatar shartty oryndaǵan jaǵdaıda buǵazdy jetinshi kúnniń sońyna qaraı tolyq ashýǵa daıyn ekeni habarlanǵan.
Olardyń birinshisi — soǵys qımyldaryn toqtatý: aımaqtaǵy, sonyń ishinde Lıvandaǵy belsendi áskerı qımyldardy tolyq toqtatý.
Ekinshisi — blokadany alý: AQSh tarapynan ırandyq porttar men tankerlerge salynǵan áskerı-teńiz blokadasyn toqtatý.
Úshinshisi — qarjylyq jeńildikter: Irannyń sheteldik bank aktıvterin, keminde 12 mıllıard dollar dep baǵalanǵan qarajatyn bosatý.
Tórtinshisi — munaı sanksıalary: Iran munaıyn eksporttaýǵa salynǵan amerıkandyq shekteýlerdi alyp tastaý.
Buǵan deıin «Kýrsıv» AQSh prezıdenti Donald Tramp beıbit kelisimge qol jetkizilmese, Irandy «joıatynyn» eskertkenin jazǵan bolatyn.