Islam revolúsıasynyń saqshylar korpýsynyń (IRSK) ókili Hoseın Mohebı AQSh tarapynan shabýyl bolǵan jaǵdaıda jańa nysandarǵa soqqy beretinin málimdedi, dep habarlaıdy NUR.KZ RBK-ǵa silteme jasap, ol óz kezeginde Fars agenttigine súıengen. Iran AQSh shabýyldary qaıta bastalsa, buryn soqqy tımegen amerıkandyq nysandarǵa uratynyn eskertti, dep jazady infohub.kz saıty.
«Bizdiń nysandarymyz da burynǵydaı bolmaıdy. Bizde áli soqqy tımegen jańa nysandar bar», — dedi IRSK ókili Hoseın Mohebı.
Onyń aıtýynsha, ózgerister soǵys geografıasyna, qoldanylatyn qarý men áskerı tehnıkaǵa qatysty bolady.
«Biz jańa múmkindikteri bar jańa qarýdy maıdanǵa shyǵaramyz, álem tańǵalady», — dep qosty Mohebı.
Eske salaıyq, buǵan deıin AQSH-tyń Iranǵa jańa shabýyly bolsa, qatań jaýap qaıtaratynyn «Hatem ál-Ánbıa» ortalyq shtabynyń qolbasshylyǵy eskertken bolatyn.
Oǵan deıin AQSh prezıdenti Donald Tramp Iranmen qaqtyǵysta sheshýshi sát týǵanyn aıtyp, soǵystyń aıaqtalýy jaqyndaǵanyn málimdegen.