Iran AQSH-qa qarsy jaýap operasıasyn bastap, Bahreın men Kýveıttegi AQSh áskerı bazalaryna soqqy bergenin málimdedi, dep habarlaıdy infohub.kz.
Iran qarýly kúshteri zymyrandar men ushqyshsyz ushaqtardy paıdalanyp, Bahreındegi Sheıh Isa jáne Kýveıttegi Álı ás-Salem amerıka bazalaryna shabýyl jasady. Soqqylar nátıjesinde birneshe MQ9 ushqyshsyz ushaǵy, sondaı-aq qarý-jaraq pen bólshekter qoımalary joıyldy. Bul týraly Islam revolúsıasy kúzetshiler korpýsy (IRKK) habarlady.
«Operasıa barysynda zymyrandar men ushqyshsyz ushaqtardy qoldaný arqyly Bahreındegi Sheıh Isa bazasynda jaý kemeleri men ushaqtaryna arnalǵan birneshe qarý-jaraq pen bólshekter qoımasy joıyldy. Sondaı-aq Kýveıttegi Álı ás-Salem bazasynda jaý MQ9 ushqyshsyz ushaqtary ornalasqan alańǵa shabýyl jasalyp, birneshe ushqyshsyz ushaq joıylyp, zaqymdandy», – delingen IRKK málimdemesinde.
Iran AQSH-tyń Taıaý Shyǵystaǵy zulymdyqtary aıaqtalmaıynsha, aımaqtan bir tamshy munaı da shyǵarylmaıtynyn atap ótti. Buǵan deıin AQSh prezıdenti Donald Tramp Kongresti eliniń Iranmen taǵy da soǵys jaǵdaıynda ekeni týraly resmı túrde habardar etken bolatyn.