Iran prezıdenti Masýd Pezeshkıan Bishkektegi SHYU samıtinde Tegeran AQSh óz mindettemelerin oryndasa, atysty toqtatý týraly memorandýmǵa qaıta oralýǵa daıyn ekenin málimdedi, dep habarlaıdy infohub.kz.
«Men ashyq aıtamyn: AQSh atalǵan memorandým boıynsha óz mindettemelerin oryndaýǵa qaıta oralǵan kezde, Iran birden jaýap qaıtarady», — dep atap ótti ırandyq kóshbasshy.
Buǵan deıin AQSh Ortalyq qolbasshylyǵynyń (CENTCOM) basshysy Bred Kýper amerıkandyq áskerılerdiń Ormýz buǵazyn ıran tarapy qoıǵan mınalardan tazartqanyn málimdegen edi. Aldyńǵy kúni AQSh buǵazdy odan ári mınalaýdy boldyrmaý úshin aımaqtaǵy Iran nysandaryna soqqy jasady. Buǵan jaýap retinde Tegeran Iordanıadaǵy amerıkandyq áskerı áýe bazalaryna shabýyl jasady.
Sonymen qatar, ırandyq áskerıler Ormýz buǵazynda ruqsat etilmegen baǵytta ótýge tyrysqan sýpertanker mınaǵa soǵylyp, órtengenin habarlady.