Tegeran Vashıngtonǵa jańa soqqylar bolǵan jaǵdaıda sheshýshi jaýap qaıtaratynyn eskertti: eger amerıkan áskeri Irannyń eki-úsh nysanasyn soqqyǵa jyqsa, Iran AQSH-tyń 20 nysanasyna soqqy beredi. Bul týraly Islam revolúsıasy saqshylary korpýsynyń (IRSK) resmı ókili Hoseın Mohebı málimdedi, dep habarlaıdy infohub.kz saıty.
RIA Novostı Fars agenttigine silteme jasap habarlaǵandaı, Iran nysanalaryna árbir shabýyldan keıin Tegeran jaýap soqqylary úshin AQSH-tyń 10 nysanasyn qarastyrady. «Eger jaý bizdiń 2-3 nysanamyzdy soqqyǵa jyqsa, biz 20 nysanaǵa (AQSh — red.) sheshýshi jaýap beremiz», — dep atap ótti Mohebı.
IRSK ókili qaqtyǵysty retteý sharttaryn da atady: AQSh áskerı áreketterdi tolyq toqtatýy, jańa qaýip-qaterlerden bas tartýy, Irannyń qatyrylǵan 24 mlrd dollar aktıvterin bosatýy, Iemen blokadasyn alyp tastaýy jáne Irannyń ıadrolyq jáne zymyrandyq baǵdarlamalaryna aralaspaýy kerek. Sonymen qatar, Tegeran Izraıl áskerlerin Lıvannan shyǵarýdy talap etedi.
Buǵan deıin AQSh Qarýly Kúshteriniń Ortalyq qolbasshylyǵy (CENTCOM) Irannyń bes munaı tankerin joıǵanyn habarlap, tıisti beınejazbany jarıalaǵan edi. Jaýap retinde IRSK Ormýz buǵazyndaǵy 20 kemege soqqy jasalǵanyn málimdep, muny AQSh shabýylyna reaksıa dep atady.