Иран мен Америка Құрама Штаттары арасындағы келіссөздердің қайта жандануы Вашингтон Тегеранның жеті талабын орындаған жағдайда ғана мүмкін болмақ. Бұл туралы Иранның мемлекеттік телеарнасы мен РИА Новости агенттігіне сілтеме жасап, infohub.kz сайты хабарлады.
Мәлімдемені Ұлттық қауіпсіздік жоғары кеңесінің (ҰҚЖК) хатшысы Мохсен Резаи жасады. Оның айтуынша, иран тарапы өзінің жеті шартын АҚШ-қа жеткізіп, анық ескерткен: Вашингтон Тегеранның талаптарын орындамайынша, ешқандай келіссөз болмайды.
«Біз АҚШ-қа жеті шартымызды жеткізіп, Вашингтон Тегеранның талаптарын орындамайынша, ешқандай келіссөз болмайтынын айттық. Бұл шарттар Исламабад меморандумының мазмұнынан өзгеше еді», — деп келтіреді оның сөзін Иранның мемлекеттік телеарнасы.
Сонымен қатар Мохсен Резаи Иран АҚШ-ты «жазалауы» керектігін атап өтті. Әйтпесе, оның пікірінше, кез келген басқа ел Иранға осындай әскери шабуылдардың жол берілетінін ойлайды.
Бұған дейін АҚШ вице-президенті Вэнстің Иранға бейбітшілік туралы келіссөздерге қайта оралуды жасырын түрде ұсынғаны белгілі болған еді.