Iran deldaldar arqyly Amerıka Qurama Shtattary ókilderine Ormýz buǵazyn ashý sharttaryn jetkizdi, dep habarlaıdy infohub.kz saıty.
Basylymnyń Tasnim-ge silteme jasap habarlaýynsha, Ormýz buǵazynda keme qatynasyn ashý úshin Iran AQSH-tan elge qarsy áskerı operasıany toqtatýdy jáne qamaýdaǵy aktıvterdi bosatýdy talap etedi. Bul týraly eldiń Ulttyq qaýipsizdik joǵary keńesiniń hatshysy Mohsen Rezaı málimdedi.
Sonymen qatar, Rezaıdiń aıtýynsha, Lıvan men Gaza sektoryn qosa alǵanda, búkil aımaqta áskerı is-qımyldar toqtatylýy tıis.
Rezaı deldaldar arqyly AQSH-qa atalǵan talaptarǵa qatysy joq basqa da sharttar jetkizilgenin atap ótti.
«AQSh óz minez-qulqyn ózgertip, Irannyń sharttaryn qabyldamaıynsha, Ormýz buǵazy ashylmaıdy», — dep atap kórsetti ol.
Iran sheneýnigi AQSH-ty Parsy shyǵanaǵyndaǵy, Ormýz buǵazyndaǵy jáne Oman shyǵanaǵyndaǵy turaqsyzdyqtyń kózi dep atady. Onyń aıtýynsha, Vashıngton Iranǵa «zańsyz soǵys» tańyp, búkil aımaqty qaýip-qaterge ushyratty.