Tegeran BUU Bas hatshysy Antonıý Gýterrıshtiń soǵystardyń aldyn alý týraly málimdemesin synǵa alyp, ony iri derjavalardyń qıanattaryn aqtaý dep atady, dep habarlaıdy infohub.kz.
Iran Syrtqy ister mınıstrliginiń resmı ókili Ismaıl Bagaı Gýterrıshtiń Financial Times gazetine bergen suhbatyna qatysty pikir bildirdi. Onda Gýterrısh BUU-nyń seksen jyldyq tarıhyndaǵy eń úlken jetistigi «iri derjavalar arasyndaǵy soǵystyń aldyn alý» ekenin aıtqan edi.
Bagaı mundaı málimdeme BUU Jarǵysynyń 2(4)-babyn doktrınaǵa aınaldyryp, «BUU músheleriniń basym kópshiligin eleýsiz etip, kez kelgen soǵysty aqtaıdy, Jarǵynyń negizgi qaǵıdattary men maqsattaryna nuqsan keltiredi jáne odan da soraqysy, ózderin «iri derjavalar» dep ataıtyndardyń basqalarǵa jasaǵan qıanattaryn aqtaıdy» dep atap ótti.
Onyń aıtýynsha, mundaı kózqaras Koreıadaǵy, Vetnamdaǵy, Kongodaǵy, Iraktaǵy, Aýǵanstandaǵy, Iemendegi, Sýdandaǵy jáne Gazadaǵy soǵystar men qıanattardy tabys dep sanaıdy. Iran SİM ókili sondaı-aq Bas hatshynyń ókilettigi aıaqtalýyna birneshe aı qalǵanda mundaı habarlamanyń oryndylyǵyna kúmán keltirdi.