Iran arnaıy qyzmetteri Fransıa elshiliginiń eki qyzmetkerin ustady. Bul týraly Fransıanyń Syrtqy ister mınıstri Jan-Noel Barro áleýmettik jeli X-te málimdedi, dep habarlaıdy infohub.kz.
«Olardy negizsiz birneshe saǵat boıy ustap, jaýap aldy, bireýin dóreki qarym-qatynasqa ushyratty. Aqyrynda olar elshilikke qaıta oraldy, qazir qaýipsiz jerde», — dep jazdy SİM basshysy. Barro aldaǵy saǵattarda dıplomattar Fransıaǵa qaıtatynyn aıtyp, bolǵan oqıǵany «qorqytý áreketi» jáne «dıplomattyq ımýnıtetti buzý» dep atady. Onyń aıtýynsha, ustalǵandar Iranda azamattyq qoǵamdy qoldaý boıynsha fransýz baǵdarlamalaryn iske asyrýmen aınalysqan.