Iran eliniń ońtústigindegi Ońtústik Pars aımaǵynan 7,5 trıllıon tekshe fýttan astam tabıǵı gaz qory tabylǵanyn habarlady. Bul týraly Irannyń munaı mınıstri Mohsen Paknejad memlekettik telearna efırinde málimdedi, dep habarlaıdy infohub.kz.
Mınıstrdiń aıtýynsha, óndirý koefısıenti 72 paıyzdan asatynyn eskersek, jańa ken ornynyń alynatyn qory shamamen 5,7 trıllıon tekshe fýtty quraıdy.
Paknejad tabylǵan gaz kólemi Ońtústik Parstyń bir fazasynyń 15 jyl ishinde óndire alatyn otyn mólsherimen para-par ekenin atap ótti. Onyń baǵalaýynsha, jańa qorlar Irannyń resýrstyq bazasyn aıtarlyqtaı nyǵaıta alady.
Mınıstr bul «qurǵaq gaz» ekenin, ony tikeleı nemese azdap tazartýdan keıin tasymaldaýǵa bolatynyn atap kórsetti. Bul ken ornyn ıgerýge jáne keıin paıdalanýǵa ketetin shyǵyndardy azaıtýǵa múmkindik beredi dep kútilýde.
Sonymen qatar, tabıǵı gazben birge aıtarlyqtaı kólemde gaz kondensaty da tabyldy. Paknejad jańa resýrstardyń jalpy ekonomıkalyq qundylyǵy ondaǵan mıllıard dollardy quraýy múmkin ekenin málimdedi.