Iran hakerleri Ulybrıtanıadaǵy shaǵyn elektr stansıasyn tórt kúnge isten shyǵardy. Eldiń energıamen jabdyqtaýynda úzilis bolǵan joq, dep habarlaıdy infohub.kz saıty.
The Telegraph derekterine sáıkes, bul Islam revolúsıasy saqshylary korpýsyna qatysy bar hakerlerdiń Brıtanıadaǵy elektr stansıasynyń jumysyn toqtata alǵan alǵashqy jaǵdaı bolýy múmkin. Nysannyń ataýyn bılik qaýipsizdik maqsatynda jarıalamaıdy. Ol qyzmetkerler jumysyn qalpyna keltirgenshe tórt kún boıy óshirilgeni belgili.
Ulybrıtanıa úkimeti bul oqıǵa eldiń energıa júıesine áser etpegenin atap ótti. «Bul oqıǵa shaǵyn energıa óndirý nysanyna áser etti jáne eshqashan búkil energıa júıesine qaýip tóngen joq», – dedi úkimet ókili.
Shabýyldan keıin bılik energetıkalyq kompanıalardyń basshylaryn habardar etip, bızneske qorǵanysty kúsheıtý boıynsha usynystar jiberdi. Ulybrıtanıanyń Ulttyq kıberqaýipsizdik ortalyǵy (NCSC) naqty oqıǵaǵa túsinikteme berýden bas tartty. Shabýyldyń yqtımal maqsaty azamattyq turǵyndarǵa naqty zıan keltirý emes, ıran hakerleriniń mundaı operasıalardy júrgizýge qabiletti ekenin kórsetý boldy.