Iran Kýveıt pen Bahreındegi AQSh áskerı nysandaryna soqqy bergenin málimdedi, dep habarlaıdy infohub.kz saıty.
Irannyń Islam revolúsıasy saqshylar korpýsy (KSIR) Kýveıttegi Mına-Abdalla aýdanynda ornalasqan AQSh Qarýly kúshteriniń materıaldyq-tehnıkalyq qamtamasyz etý ortalyǵyna soqqy berilgenin jarıalady. Bul týraly Irannyń memlekettik teleradıokompanıasy IRIB habarlady.
Sonymen qatar, ırandyq tarap Bahreındegi AQSh Áskerı-teńiz kúshteriniń Besinshi flotynyń basqarý ortalyǵy men áskerı qoımalaryna shabýyl jasalǵanyn málimdedi. Olardyń aıtýynsha, bul soqqy «Nasr-2» operasıasynyń tórtinshi kezeńi aıasynda jasalǵan.
Buǵan deıin AQSh Iran aýmaǵyna jańa áýe soqqy jasap, Tegeranmen kelissózderdegi ustanymyn kúsheıtý maqsatynda Irannyń teńiz porttaryna qatysty blokadany qaıta engizgen bolatyn.
Sonymen qatar, AQSh prezıdenti Donald Tramp Iranǵa qatań eskertý jasap, kelisim jasasýǵa shaqyrdy. «Kelisimge kelgenderińiz durys bolady. Áıtpese, elderińizden eshteńe qalmaıdy, turǵyndaryńyz da opat bolady», — degen bolatyn AQSh prezıdenti.