Iranda AQSh áskerı qyzmetkerlerin joıý nemese tutqynǵa alý úshin aqshalaı syıaqy jarıalandy. Soma 60 myń dollarǵa jetýi múmkin, dep habarlaıdy infohub.kz saıty.
RIA Novostı Irannyń memlekettik teleradıokompanıasy IRIB-ke silteme jasap, árbir óltirilgen nemese tutqynǵa alynǵan amerıkan soldaty úshin syıaqy týraly Iran armıasynyń qolbasshysy Ámir Hatamı málimdegenin habarlaıdy.
«Qarjylyq djıhadqa qatysýǵa ótinimderdiń kóptigin eskere otyryp, amerıkan soldatyn óltirgen nemese tutqynǵa alǵan adamǵa Iran armıasy 30 myń dollar kóleminde syıaqy tabys etetin jospar ázirlendi. Bul iste tabysqa jetken ırandyq áıelder eki ese syıaqy alady», — dedi Hatamı.
Amerıkan áskerılerine shabýyl jasalatyn qarý Iran armıasy tarapynan naryqtyq baǵadan eki ese qymbat baǵamen satyp alynatyny, onyń ornyna jańa qarý-jaraq beriletini atap ótildi.
Buǵan deıin AQSh prezıdenti Donald Tramp Ormýz buǵazyn Amerıka Qurama Shtattarynyń aýmaǵy dep jarıalaý nıetin bildirgen edi. Buǵan jaýap retinde Iran armıasynyń qolbasshysy AQSH-ty óz aýmaǵynan «qýyp shyǵatynyn» jáne Parsy men Oman shyǵanaqtaryna, sondaı-aq Ormýz buǵazyna kirýge tyıym salatynyn málimdedi.